O profesorado e alumnado dos centros implicados desenvolven a súa actividade educativa diaria nun entorno virtual de aprendizaxe que lles vai permitir acceder a contidos dixitais para 5º e 6º de primaria e 1º e 2º de Eso do seguintes provedores: Edebé, Netex, aulaPlaneta e Pearson, os do Repositorio de contidos educativos dixitais (os centros teñen a súa disposición o Repositorio de contidos educativos dixitais do espazoAbalar, con máis de 3.500 recursos educativos dixitais complementarios en sete idiomas), ou os que o profesorado poida crear, seleccionar ou engadir ao entorno.
