Apuntamentos: Como facer unha captura de pantalla

Nalgunha das tarefas do curso será necesario realizar unha ou varias capturas de pantalla para enviar o resultado das mesmas.

Capturas de pantalla coa tecla Imprimir pantalla (Windows/Linux)

1. Unha vez se visualiza na pantalla o que se pide na tarefa, premer no teclado do noso ordenador a tecla "Imprimir pantalla". Con isto conseguimos gardar a captura de todo o escritorio no portapapeis do noso sistema.
• Esta tecla normalmente aparece serigrafiada como "PrtSc" (Print Screen) ou "ImprPant" (Imprimir pantalla).
• Se utilizamos a combinación de teclas Alternativa Gráfica (AltGr) + Imprimir Pantalla (PrtSc/ImprPant), capturaremos só a ventana activa e non a pantalla completa.
 
2. Acceder a "Paint" (Windows) na ruta "Inicio -> Todos os programas -> Accesorios -> Paint" ou "MyPaint" (na maqueta Abalar): "Menú de aplicativos > Imaxe > MyPaint"
3. Premer no menú "Edición" -> "Pegar".
• Visualizarase a imaxe no Paint/Mypaint.
4. Premer no menú "Arquivo" -> "Gardar como".
• Abaixo de todo en "Tipo", seleccionar "JPEG" ou "PNG"
• Seleccionar a ubicación na que se almacenará no disco duro e darlle o nome que se indica na tarefa.
5. Xa está o pantallazo listo para o posterior envío do resultado da tarefa

Capturas de pantalla con Windows

Pódese empregar a aplicación "Recortes" de Windows 10:

Unha vez dentro do programa, a nosa pantalla quedará baixo unha capa translúcida de cor branca.  Sobre esta capa veremos a xanela do programa "Recortes".

O punteiro do rato adoptará a forma dun punto de mira. Simplemente haberá que especificar a parte da pantalla a capturar.

Unha vez rematado o proceso, abrirase unha  xanela coa captura realizada. Só resta gardar a captura de pantalla na ruta que se especifique.

Capturas de pantalla con Linux

A maioría das distribucións GNU/Linux xa traen incorporado de base un software de captura de pantallas.

No caso de software baseado na maqueta Abalar pódese empregar a opción Utilidades > Spectacle no menú de aplicativos.