4. FUNCIONALIDADES DO SISTEMA

4.7. Xustificación de faltas

Xustificación de faltas

A pantalla de faltas permite:

  • Recibir xustificación das faltas

  • Visualizar a foto do xustificante

  • Ver información da falta, como o nome do alumnado, materia, curso, hora e tipo da falta

  • Cambiar o estado da falta a “Xustificada” ou a “Presentada”

  • Filtrar os xustificantes buscando polo nome do alumnado

  • Aplicar diferentes filtros por curso, data, tipo da falta, estado da falta

Izq: Data na que se presentou o xustificante. Nome do/a alumno/a e materia da falta. Data e hora da falta.

Drt: Filtros. Buscador.Curso.Tipo de falta.


Punto verde: falta xustificada.

Punto vermello: falta presentada.

Detalle da falta

O detalle dunha falta aporta toda a información referente á xustificación da mesma, nome, curso, data, hora, tipo da falta, xustificación e xustificante e un selector para modificar o estado da mesma.

No caso de que non haxa xustificante non se amosará, e no caso de que exista poderase ver e ampliar.



Xustificar e presentar faltas

No detalle dunha falta na zona inferior amosarase un selector de estado da falta. Ao premer sobre o selector sairán en pantalla os 2 estados posibles que pode ter a falta:

  • Xustificada

  • Presentada

Unha falta xustificada indicará que se dá por válida a xustificación da mesma por parte dos responsables e, polo tanto, a falta queda xustificada.

Pola contra, unha falta presentada indica que o xustificante foi enviado polos responsables pero que non foi validada polo docente e, polo tanto, a falta non está xustificada.






Xustificar múltiples faltas simultaneamente

Existe a opción de xustificar de maneira simultánea varias faltas nunha única acción.

Para levar a cabo esta acción deberase premer de maneira prolongada calquera falta no listado de faltas e, seguidamente, aparecerá ao lado de cada falta presentada un selector. Poderase seleccionar o número de faltas que desexemos xustificar e seguidamente premer no botón inferior “Xustificar”. Se queremos anular deberemos premer en “Cancelar”

Filtrar faltas

Para acceder ás opcións de filtrado deberase pulsar sobre os 3 puntos que se localizan na parte superior dereita da pantalla principal de faltas tal e como se amosa na seguinte captura:

... filtros

As diferentes opcións de filtrado son as seguintes:

  • Rango de datas

  • Estado da falta

  • Tipo da falta

  • Selector de grupos e alumnos

Na selección de grupos tamén haberá diferentes posibilidades de filtrado:


  • TODOS (non se filtra nin por grupos nin por alumnos, amósanse todos os resultados)

  • Seleccionar un grupo específico polo que filtrar: TODOS: amosa todos/as os/as alumnos/as do grupo ou poderase seleccionar por alumno/a individualmente.