Resulta moi cómodo empregar a mensaxería no ordenador. Ademais de escribir con maior velocidade e visualizalas mensaxes a tamaño grande, sempre se pode comprobar palabras no dicionario, copiar e pegar, etc.
Para a instalación destes aplicativos imos empregar o software Flatpak, que permite a instalación de programas sen que aparezan as temidos fallos por dependencias. Trátase dun paquete cos datos do programa e tamén as dependencias asociadas.
No caso de que non teñas o programa flatpak, procedamos a instalalo:
sudo apt update
sudo apt intall flatpak
Seguidamente podemos ir á páxina de Flathub, para descargar o instalador das dúas aplicacións, e xa de paso, podemos observar o gran número de aplicativos que se poden instalar, ademais dos mencionados:
https://flathub.org/
Procurarmos Telegram Desktop e Whatsapp Web:
Ao pinchar sobre os resultados aparece un botón "Install", e ao premer nel, descarga o paquete que serve para instalar o paquete.
Seguidamente abriremos o terminal e dirixímonos ao cartafol de Descargas e procedemos coa instalación:
cd Descargas
flatpak install io.github.mimbrero.WhatsAppDesktop.flatpakref
flatpak install org.telegram.desktop.flatpakref
Unha vez instalados pediranos que escaneemos un código QR co aplicativo Telegram ou ben co de Whastapp (no apartado Settings > Dispositivos no caso de Telegram e en Linked devices no caso de Whatsapp) e quedarán operativos.
No caso de queres actualizar os aplicativos, tamén desde o terminal:
sudo flatpak list
e podemos actualizar un aplicativo en particular ou todos:
no caso do Telegram ou do Whatsapp:
flatpak update org.telegram.desktop.webview.Locale
flatpak update io.github.mimbrero.WhatsAppDesktop
E no caso de que queiramos actualizalos todos
flatpak update
E se queres eliminar o programa Telegram? Pois con:
flapak unstall org.telegram.desktop.webview.Locale