Debian non é unha distribución rolling release como poden ser Arch Linux, Void Linux, Manjaro, etc. Estas distribucións teñen actualizacións continuas sen necesidade de reinstalación. Isto, obviamente, é algo moi positivo, pero quizais están máis enfocadas a usuarios con certo nivel de coñecementos, pois aínda que cada vez é menos frecuente, pode que algunha das actualizacións teña efectos colaterais non desexados, e o seu arranxo ás veces non resulta sinxelo para un usuario non experimentado. Deste xeito, con estas distribucións, o usuario conta coas últimas versións dos programas, e tamén do sistema operativo. En Debian non ocorre o mesmo, as aplicacións actualízanse segundo as fontes de Debian e na maioría dos casos non son as últimas versións publicadas dos programas. Sen embargo este último sistema operativo está máis enfocado na estabilidade, un solid rock, polo que as versións dos programas instalados son maduras e ben probadas. Seguro que o ideal sería contar coas dúas características: estabilidade e últimas versións con todas as innovacións.
En xuño de 2015 saiu a luz Flatpak, un sistema para a distribución de aplicacións en contedores, un proxecto creado por Alexander Larsson de Red Hat. Nestes paquetes flatpak van contidos todas as librerías necesarias para o seu funcionamento e para todas as distribucións. Desde o portal flathub [1] podemos atopar os paquetes de instalación de moitos programas.
E tendo en conta o anterior, cos paquetes Flatpak podemos obter aplicativos actualizados ás últimas versións, e por outra banda continuamos mantendo o Debian coa súa característica máis prezada: a estabilidade. Aparentemente todo son vantaxes, e polo tanto, correspóndeche a ti probar e chegar a conclusións.
A dúbida que nos xurde é no relativo ás actualizacións destes paquetes flatpak, levándoas a cabo de maneira automatizada para que de forma transparente para o usuario sempre dispoñamos da última versión publicada en flatpak. Para resolver isto naceu otro proxecto moi interesante: Topgrade[2], un programa que detecta as ferramentas que empregas e executa os comandos apropiados para actualizalas. Polo tanto, con este sistema esquecerás para sempre andar actualizando os navegadores, libreoffice...
Instalación de Topgrade e creación de servizos de actualización automática
Toda a instalación debemos facela con privilexios de root
su root
apt update
sudo apt install curl build-essential libssl-dev
curl --proto '=https' --tlsv1.2 -sSf https://sh.rustup.rs | sh
nano /root/.profilee engadimos o path de cargo:
export PATH="$HOME/.cargo/bin:$PATH"Aplicamos os cambios executando:
source /root/.profileVerificamos a versión instalada de Rust e Cargo
rustc --version
cargo --versionInstalamos seguidamente Topgrade (sempre desde root)
cargo install topgrade
cargo install cargo-updateCreamos un servizo para que se execute a actualización cada 60 minutos
sudo nano /etc/systemd/system/topgrade.servicee engadimos o seguinte código:
[Unit]
Description=Run topgrade every 60 minutes
After=network-online.target
[Service]
Type=oneshot
ExecStart=/root/.cargo/bin/topgrade -y
[Install]
WantedBy=multi-user.targetE creamos o temporizador, que é o disparador do servizo anterior:
sudo nano /etc/systemd/system/topgrade.timerE engadimos o seguinte contido:
[Unit]
Description=Timer to run topgrade every 60 minutes
[Timer]
OnBootSec=10min
OnUnitActiveSec=60min
[Install]
WantedBy=timers.targetE finalmente habilitamos os servizos:
sudo systemctl daemon-reload
sudo systemctl enable topgrade.timer
sudo systemctl enable topgrade.service
sudo systemctl start topgrade.timer
Desinstalación de software e instalación de paquetes Flatpak
Desinstalamos o programa que desexamos telo actualizado á última versión e que teñamos instalado no sistema operativo.
su root
apt remove google-chrome-stable
apt purge google-chrome-stableInstalamos o paquete Flatpak no Debian, se é que non o temos instalado.
apt install flatpakDirixímonos á páxina de flathub e descargamos o paquete de Google Chrome, premendo no botón de Install
https://flathub.org/apps/com.google.Chrome
Con isto teremos no cartafol de descargas o ficheiro: com.google.Chrome.flatpakref
Paso 4. Desde o terminal instalaremos ese paquete
cd ~/Descargas
flatpak install com.google.Chrome.flatpakref -yE con isto xa contaremos co Google Chrome instalado, cunha versión máis actualizada co que acabas de desinstalar. Este procedemento repetirémolo con todos aqueles programas que desexamos ter instalados no sistema coa última versión.
Comprobación do seu funcionamento
Unha vez feito todo o anterior, podemos comprobar o seu funcionamento analizando o status do servizo, onde pode visualizar a última vez que se executou e se apareceron erros no proceso de actualización.
su root
systemctl status topgrade
[2] https://github.com/r-darwish/topgrade