Creación de audios e vídeos con Fliki

Outra ferramenta moi interesante. A primeira utilidade que lle vamos dar é para a creación dun audio a partir dun texto, por exemplo ao seguinte poema:

A. Creación dun audio

Para isto prememos en "New file"

E escollemos Audio, asignámoslle un nome ao ficheiro resultante, idioma e comezamos con ficheiro baleiro. Clic en Submit

  A opción máis sinxela é inserir o texto na Scena 1. Premendo nos tres puntos verticais coa lenda "More". podemos escoller a voz de Sabela ou a de Roi, pero tamén nos permite clonar a nosa propia voz en "Try voice cloning". Tamén nos permite inserir un audio de fondo.

Para simplificar o proceso, pegaremos o texto como se fose prosa. Deste xeito creará unha única escena. Pero poderíamos facelo por escenas e configurando unha pausa entre verso e verso, pero se superamos as 10 escenas teremos que actualizar e pagar pola conta.     

Pico, pico, mazarico, ¿quen che deu tan longo “pico”? Deumo Deus e San Santiago para picar o pan no agro e piquei e repiquei, cen milliños encontrei e boteinos a moer e os ratiños a comer e agarrei un polo rabo e boteino naquel cabo e tamén agarrei outro e boteino naquel souto e vin de moita “prisa” tocando a miña gaitiña pero víronme os ladróns e roubáronme os calzóns

 Unha vez pegado o texto, prememos en Download para descargar o ficheiro

O sistema envíanos un correo electrónico  cando remate o proceso de exportación do vídeo.     
 

E velaquí temos o resultado:     
 

b. Creación dun vídeo

Nesta ocasión utilizaremos un poema de Bernardino Graña:     
 

Por limitación coa contra gratuíta introducimos o texto como se fose prosa, pero en 4 escenas:     

Mariñeiros de Viveiro,Fisterra, Caión, Malpica,Pontevedra, Arousa, Vigo,Noia, A Coruña, Muxía, pescadores e peixeiras,mariscadoras das rías      
¿de quen son os areeiros e os cons e faros e as illas? ...     
¿de quen o verdello, a area, os laños, as ardentías, e as nécoras e centolas e rodaballos e minchas,...     
Decídeme de quen son praia, areas, augas, rías...     
 

O sistema xera automaticamente unhas imaxes ou vídeos no apartado Layout de cada escena, pero podemos personalizalas imaxes e axustalas ao noso gusto. Unha vez rematado, prememos en Download