Drupal ofrécenos un sistema de clasificación dos contidos da nosa web baseado en taxonomías que ademáis de organizar o contido, permite definir os permisos de acceso aos mesmos. As taxonomías están formadas por categorías ou vocabularios, termos e subtermos organizados de xeito xerárquico.

Para aclarar conceptos podemos decir que unha taxonomía é unha estrutura xerárquica cunha categoría ou vocabulario como nodo principal ou raíz, e un conxunto de termos fillos da categoría, dos que poden a súa vez saír novos termos que chamaremos subtermos, e así sucesivamente ata un máximo de nove niveis.

Na seguinte táboa podemos ver a nomenclatura das taxonomías e un exemplo:

Nomenclatura das taxonomías
Exemplo
  • Vocabulario (categoría principal)
    • Termo_1 (subcategoría de 1º nivel)
    • Termo_2 (subcategoría de 1º nivel)
      • Termo_2.1 (subcategoría de 2º nivel)
      • Termo_2.2 (subcategoría de 2º nivel)
  • O centro
    • Documentos
    • Organigrama
      • Dirección
      • Consello escolar

Módulos necesarios:

Para que Drupal permita a creación de taxonomías é necesario que estea activo o módulo do núcleo: Taxonomy (activo por defecto).

Creación das taxonomías:
  • A creación e edición das taxonomías da web debe facela un usuario con rol de xestor ou administrador.
  • Para crear ou editar as taxonomías hai que acceder á ruta: Estrutura/Taxonomía.

Taxonomías

A continuación imos describir o proceso de creación dunha taxonomía, que se pode dividir en 3 pasos:

Paso 1. Creación dun novo vocabulario.

Paso 2. Engadir termos ao vocabulario.

Paso 3. Creación do campo para asociar os contidos da web coa nova taxonomía.

Paso 3.1 Editar o campo Taxonomía(s) para engadir o novo vocabulario no tipo de contido Artigo.

Paso 3.2 Creación do campo nos demais tipos de contido.

Ilústrase este procedemento coa creación do vocabulario de exemplo "Servizos complementarios" e os seus termos: Comedor escolar, Transporte escolar e Plan Madruga.

Paso 1. Creación dun novo vocabulario:
  • Desde a pantalla de Estrutura/Taxonomía premer sobre o botón "+ Engadir vocabulario" que leva ao seguinte formulario.
  • Basta con introducir o nome do novo vocabulario, e Gardar.


Paso 2. Engadir termos ao vocabulario:
  • Ao gardar o novo vocabulario xa nos leva directamente a pantalla coa súa lista de termos.
  • Tamén podemos acceder polo botón Lista de termos á dereita do vocabulario.


  • Premer no botón "+ Engadir termo" que leva ao seguinte formulario.
  • Introducir o nome do termo.
  • Opcionalmente unha ruta de acceso ao mesmo (debe comezar por un caracter de barra).
  • Gardar.


  • Neste exemplo, dar a Gardar e engadir os termos Transporte escolar e Plan Madruga.
  • Para engadir un subtermo dun termo xa existente, hai que desplegar a sección "Relations" e marcar o termo pai do novo termo.

  • Poderase engadir novos termos e subtermos do vocabulario en calquera momento.
Paso 3. Creación do campo para asociar os contidos da web coa nova taxonomía.

Nesta versión de Drupal a relación entre os contidos e os termos das taxonomías non ven configurada por defecto senón que debemos configurala manualmente para cada novo vocabulario. A relación entre un contido da web e un ou varios termos dos vocabularios establécese mediante campos que debemos engadir a cada tipo de contido. Drupal ven por defecto cos tipos de contidos: Artigo, Destaque, Evento e Páxina básica. Estes tipos de contido xa teñen un campo para asociar os seus contidos cos vocabularios existentes. Para novos tipos de contido soamente hai que reutilizar o campo xa existente chamado Taxonomía(s).

Paso 3.1 Editar o campo Taxonomía(s) para engadir o novo vocabulario no tipo de contido Artigo.
  • Acceder á páxina Estrutura/Tipos de contido.
  • Para o tipo de contido Artigo premer no botón Administrar campos.


  • Premer no botón "Editar" do campo Taxonomía(s). Pódese obsevar que non está engadido o vocabulario novo creado.


  • Nese novo formulario de Configuración de Taxonomía(s) para Artigo marcar o novo vocabulario. En xeral aquí marcanse os vocabularios nos que se quere categorizar calquera contido de tipo Artigo


  • Gardar os axustes.
  • Observar que xa aparece o novo vocabulario


  • Este paso teríase que facer para cada un dos tipos de contido que se queira poder categorizar dentro do novo vocabulario.
Paso 3.2 Creación do campo Taxonomía(s) en tipos de contido novos.
  • Acceder á páxina Estrutura/Tipos de contido.
  • Para cada un dos demais tipos de contido onde se precise ese campo e non esté creado por defecto, seguir os seguintes pasos:
  • Premer no botón Administrar campos.
  • Premer no botón "+ Engadir campo".
  • Neste caso non se engade un campo novo senón que se reutiliza un existente.

  • No desplegable "+Reutilizar un campo existente" escollemos o campo que xa está creado chamado Taxonomía(s) (Referecia de entidade: field_taxonomia). Premer no botón Re-use.


  • Deixamos a mesma etiqueta.  
  • Igual que se fixo na creación do campo, a continuación hai que marcar os vocabularios aos que se quere facer referencia.
  • Gardar os axustes.

  • Por último, hai que cambiar o xeito de seleccionar o termo co queremos asociar un contido.
  • Acceder á solapa "Xestionar a presentación do formulario", localizar o campo Taxonomía(s) no listado, cambiar o control por "Chosen" ou "Lista de selección", e gardar.

Unha vez creado o campo en todos os tipos de contidos xa será posible asociar calquera novo contido da web cun termo do novo vocabulario.


  • Se temos marcado Chosen, verase así e ao premer dentro do cadro xa aparece un desplegable con todas as opcións:

 

  • Se temos marcado Lista de selección amósase do seguinte xeito:

Última modificación: martes, 23 de diciembre de 2025, 11:32