Websdinámicas: Drupal administradores
DRUPAL administradores: Web do centro
Proxecto Webs dinámicas
Este proxecto consiste en ofrecer a os centros educativos preinstaladas no seu espazo web un conxunto de aplicacións que lles permitirá construir os seus portais educativos e aulas virtuais dun xeito sinxelo en contorno web.Actualmente as ferramentas preinstaladas son Drupal, Coppermine e Moodle (orixinariamente tamén se realizaba a instalación de phpWebQuest, que se deixo de empregar neste proxecto por problemas de seguridade).
Os centros adscritos ao proxecto terán a máis da instalación o asesoramento "in situ" para a posta en marcha inicial do proxecto por parte dos asesores da Subdirección Xeral de Sistemas Informáticos (asesores ABALAR/SIEGA).
Dispoñen tamén dun portal de referencia, http://www.edu.xunta.gal/centros/websdinamicas, no que a comunidade de centros conta con foros, talleres ou mensaxería para solucionar calquera custión relacionada co tema.
É tamén a propia consellería quen se encarga do mantemento e actualizacións das aplicacións a novas versións.
Nos centros educativos deberá existir un grupo de profesores que farán as funcións de administradores dos espazos no centro. Estas persoas serán as encargadas de, por exemplo, dar de alta aos novos usuarios que desexen empregar as ferramentas e, tamén, dar de baixa das mesmas aos que xa non formen parte do centro, definir a estrutura das páxina, dar permisos aos usuarios, etc.
Neste curso veremos os apartados relevantes a este tipo de perfil: os adminitradores das ferramentas do proxecto Webs Dinámicas do centro educativo.
Un saúdo.
7.2 Configuración do módulo Estatísticas (Statistics)
Debemos activar o módulo da forma habitual en Drupal aínda que é moi probable que xa estea activo por defecto.
Ruta: Administrar > Construción da páxina > MódulosBuscamos na lista de módulos dispoñibles o módulo Statistics, senón está marcado o facemos e gardamos os cambios.
Unha vez activado, na Ruta: Administrar > Rexistros, mostrarase a opción de Configuración dos rexistros de acceso onde encontraremos dúas opcións que debemos activar.
Configuración de rexistros de acceso
- Activa-lo rexistro de acceso: permíte activar e desactivar o rexistro de acceso. Este rexistro úsase para almacenar datos sobre cada páxina á que se accede, como o enderezo IP da máquina remota, o lugar de onde ven (referente), que nodo ve e o seu nome de usuario. Ao activar o rexistro engádese unha chamada á base de datos por cada páxina que amosa Drupal.
- Descarta-los rexistros de acceso anteriores: que lle permiten configurar canto tempo se deben almacenar as entradas de acceso antes de eliminalas da táboa da base de datos. Deste xeito estableceremos o tempo (en horas, días ou semanas) que debe transcorrer para que as entradas do rexistro se considere antigas e descártense automaticamente (isto inflúe na información que se mostra como máis visitada "recentemente") [1]
- Configuración dos contadores de visita do contido: o activar o contador de visitas a nodos engádese unha consulta extra á base de datos para cada nodo que se amosa. Deste xeito cada vez se se visite un nodo [2], incrementarase o contador de visitas deste e aparecerá un texto "x lecturas", ao ver o nodo, onde x é o número de visitar recibidas.
Pode consultarse máis información no manual de configuración e personalización páxina do módulo Statistics: http://drupal.org/documentation/modules/statistics.
[1] Para que isto funcione é necesario executar o CRON periodicamente.
[2] Os contidos asociados ao módulo Node son: páxina, páxina de libro, contidos moderados e o contido historia (ou anuncios)