1.2. Como acceder desde a Aula Virtual a Agueiro
Como podo acceder desde a Aula Virtual a Agueiro?
Os usuarios autenticados da Aula Virtual do centro verán que na parte superior dereita da súa aula virtual aparece un novo bloque titulado "Servidores de rede" que lles permite acceder directamente a Agueiro, simplemente facendo clic sobre o enlace.
Despois de facer clic sobre o enlace "Servidores de rede - AGUEIRO" (na Aula Virtual), o usuario inicia sesión de forma automática por primeira vez en Agueiro. Neste primeiro inicio de sesión automático o usuario está obligado a confirmar o contrasinal ou introducir un novo para Agueiro. Neste caso, o usuario pode introducir o mesmo contrasinal que usa na Aula Virtual ou introducir un contrasinal diferente para Agueiro.
O nome de usuario non cambia e será o mesmo que utiliza para iniciar sesión na Aula Virtual (1)
(1) No caso de que o nome de usuario exportado automáticamente desde a Aula Virtual xa existira previamente en Agueiro, a propia aplicación Agueiro asignaralle a este usuario de forma automática un novo nome de usuario (exclusivo para Agueiro), que normalmente consistirá en engadir un número a continuación do nome de usuario orixinal.
Neste caso concreto, para coñecer o novo nome de usuario que lle asignou Agueiro, o usuario deberá iniciar sesión na Aula Virtual (inicio único de sesión) e a continuación pasar a Agueiro onde poderá consultar o seu nome de usuario na pantalla de perfil do usuario.