Propostas para o PFPP 25-26

 A miña proposta sería unha sesión de "Busca de modelos e contidos". Trataríase de que cada un de nós buscase modelos de podcasts ou programas que poderíamos adaptar á nosa materia, ou ben pensara ideas para podcasts relacionados coa súa materia. Poderíamos compartilos nun foro, de xeito que todos vísemos as propostas dos outros e así abriríamos a posibilidade de colaborar con algún compañeiro/a co que compartamos alumnado. 
Para buscar inspiración, igual vos sirven estas ligazóns:
- REDE ESPORA é unha agrupación de radios escolares galegas moi activa que ten unha web marabillosa, chea de información de todo tipo. Para o obxectivo que vos propoño, en concreto, recomendo visitar as ligazóns aos centros que forman parte da rede, a selección de podcasts escolares, que é bastante variada, e os recursos didácticos, que inclúen ideas de actividades, moitas de linguas, hai que recoñecelo, pero se ides máis abaixo menciona programas e podcasts xeneralistas que amplían as temáticas. 
- RNE ten programas de case todo, nese ámbito seguro que cada un/ha coñece os das súas materias, pero eu recordo algúns de difusión especializados en materias que sempre son moi amenos. 
- Na Aula virtual tedes unhas fichas sobre xéneros radiofónicos que poden axudar a darlle forma á presentación de contidos, penso que dun xeito moi rápido e útil. (para velas hai que abrir o recurso en Chrome, en Mozilla puede que no se vea).