A matrícula en liña permite formalizar a matrícula sen desprazarse ao centro educativo. Esta modalidade convive coa tramitación presencial, polo que se pode elixir a modalidade que mellor se adapte ás necesidades de cada familia.
Aplicativo para a formalización de matrícula en liña
A matrícula en liña poderá realizarse desde un dispositivo móbil ou desde o ordenador a través do aplicativo AdmisionAlumnado - https://www.edu.xunta.gal/admisionalumnado.
O alumnado destinatario que estivo escolarizado no curso 2025/26 no sistema educativo galego recibirá unha ligazón de acceso directo ao aplicativo na aplicación abalarMóbil.
Prazos para a formalización da matrícula en liña
O aplicativo estará dispoñible para a formalización de matrícula nos seguintes prazos:
- Educación secundaria obrigatoria e bacharelato: do 23 de xuño ao 7 de xullo.
IMPORTANTE - Seguir as indicacións do manual para as familias.
