Elaboración dun Plan de prevención

Elaborade un Plan de prevención para o IES Ricardo Mella que deberá contar coa seguinte estrutura:

1. Datos do centro: Nome do centro, actividade, número de persoas traballadoras, breve descrición do local.

2. Obxectivos do plan de prevención: Breve descrición dos obxectivos do plan de prevención, redactados por vós ou extraídos e adaptados da normativa vixente.

3. Organización da prevención: Tendo en conta as características do centro, escoller o modelo de organización da prevención máis adecuado, indicando as funcións a desenvolver polo servizo preventivo ou os responsables da prevención no IES. Tamén será preciso indicar o número de Delegados de prevención e membros do Comité de Seguridade e Saúde que o conforman. 

4. Actuacións preventivas básicas (excluídas avaliación de riscos e medidas preventivas para os factores de risco detectados)

   • Avaliación periódica de riscos
   • Información e formación sobre os riscos e as medidas preventivas
   • Vixiancia da saúde
   • Obrigacións básicas do persoal
   • Medidas de emerxencia: Situacións de emerxencia previstas (incendio), organización en caso de emerxencia,  distribución clara de responsabilidades, procedemento de actuación paso a paso.
   • Control de accidentes