Actividade 1.3. Avaliación de riscos ergonómicos e psicosociais

Resolve o seguinte suposto práctico

Centro de traballo: Finactiva Asesores S.L.
Actividade: Servizos de asesoramento fiscal, contable e financeiro.
Número de traballadores/as: 18 (12 en oficina aberta e 6 en despachos).
Posto a avaliar: Administrativo financeiro.
Descrición do posto: O persoal administrativo desenvolve o seu traballo nunha oficina con numerosos equipos informáticos. O horario habitual é de 9:00 a 14:00 e de 16:00 a 19:00, aínda que durante a campaña fiscal amplíase a xornada.

As tarefas principais inclúen:

• Rexistro de facturas e asentos contables.

• Elaboración e revisión de documentos.

• Comunicación constante con clientes por correo electrónico e teléfono.

• Arquivo de documentación dixital e en papel.

O mobiliario é estándar e non regulable de maneira individual. As persoas traballadoras permanecen sentadas durante longos períodos diante de dúas pantallas. Algúns empregados manifestan fatiga visual, contracturas de pescozo e ombreiros, e sensación de sobrecarga ou estrés elevado en épocas de traballo intenso.

Como técnica/o en prevención, elabora un informe con formato libre que inclúa:

1. Os principais riscos presentes no centro de traballo (1 punto).

2. A probabilidade e gravidade de cinco dos riscos detectados segundo o método do INSST (5 puntos).

3. Medidas correctoras concretas para os cinco riscos detectados (1 punto).