Section outline

  • Por fin comeza este curso, marcado pola pandemia e a ausencia dos últimos meses. Mais a lingua non estivo confinada. De feito moitos de vós, se cadra, usástela máis ca nunca en chamadas sen fin. Esperemos que algunhas desas horas de comunicación fosen en galego. 

    Desde o Equipo para a Dinamización da Lingua Galega, proximamente celebraremos o Día das Letras Galegas, adiado desde o pasado mes de maio. Será o vindeiro 30 de outubro, a partir das 12h. 

    E para tal ocasión presentámosvos un Concurso de conxuros. Para que entre todxs botemos fóra todo o malo destes últimos meses e nos purifiquemos para este novo curso, para que sexa enteiro, proveitoso e en saúde. A seguir deixámosvos a información xeral e as Bases do concurso. E animámosvos a que participedes todxs, que os premios serán suculentos...