Ola a tod@s.
Algúns de vós estades indicando que non podedes subir a copia de seguranza á tarefa do curso porque excede o tamaño máximo de 10Mb.
As aulas virtuais poden configurarse para que o tamaño dos ficheiros que se suban non excedan dun determinado valor. De forma estándar o tamaño máximo é de 800 Mb. Pero nesta aula virtual, ou polo menos na categoría na que está este curso, o administrador da aula virtual limitou o tamaño máximo a 10 Mb, que é claramente insuficiente para subir os arquivos de copias de seguranza.
Para solventar isto, neste caso, no momento de realizar a copia de seguranza podedes seleccionar cousas para que non se inclúan, por exemplo os ficheiros pdf, ou os vídeos (que ocupan bastante), para que o ficheiro da copia ocupe menos de 10 Mb para poder subilo á tarefa.
Se o que queredes é restaurar un curso na categoría vosa para usar cos alumnos, teriades que falar co administrador da aula virtual do Politécnico para que permita ficheiros de maior valor.
Saúdos,
Félix Rodríguez.