Todos os xoves do mes de maio, o alumnado do centro ten á súa disposición no segundo recreo, de maneira gratuíta, un vaso de froita fresca.
Con esta iniciativa, financiada integramente pola ANPA do IES Miraflores, para todo o alumnado do centro, continúase co proxecto para fomentar o hábito saudable do consumo de froitas de tempada.
A falta de tempo e a preguiza para preparala fai que a rapazada substitúa o consumo de froitas por outros alimentos procesados e azucrados (barras de cereais, chocolates, lambetadas...).
A oferta da froita preparada, visualmente apetecible e gratuíta, fai que o alumnado opte por probar e, tal vez, por substituír os alimentos que consume habitualmente por este máis saudable.
