A tarde do luns 18 de maio celebramos a Festa das Letras dedicada á xornalista e narradora Begoña Caamaño.
O acto, dirixido polos simpáticos presentadores de 4o ESOB, Carlos Yack Paz e César Enrique Veira Quiñones, contou con variadas actuacións protagonizadas polo alumnado da ESO: lectura de dous poemas de Rosalía e mais dun fragmento da novela Morgana en Esmelle; cantos folclóricos, muiñeira colectiva e, como colofón, un remix de cancións galegas coreografiadas por un nutrido grupo de alumn@s e profes.
A música e o baile compartidos encheron de emotividade e diversión o carácter pedagóxico desta efeméride literaria.
