2. Os riscos.

2.4. Riscos antrópicos. A contaminación dos solos.

Os solos son estruturas moi complexas e imprescindibles para satisfacer as necesidades humanas de alimentos a través da agricultura. A acción humana altera os solos de distintos xeitos:

· Contaminantes do solo: En paralelo á contaminación da auga (choiva ácida, augas residuais, verquidos industriais e agropecuarios) os solos vense moi alterados polas actividades humanas.

· Salinización dos solos: Os solos poden ver incrementados os seus niveis de salinidade debido ao uso de augas non depuradas ou á mala xestión da auga doce, feito que incide negativamente na súa fertilidade.

· Desertificación: A desertificación consiste no deterioro extremo do solo fértil ata chegar a un punto no que se converte en solo desértico, sen capacidade de recuperación.
A desertización pode deberse a procesos naturais asociados cos climas, pero tamén pode ter unha causas antrópicas tales como a sobreexplotación de acuíferos, a mala xestión das explotacións agrícolas, a deforestación ou os incendios forestais.
 Risco de desertificación
mpPara ver un mapamundi sobre a deforestación no século XXI pulsa no icono.