Hoxe, a nosa profesora de Física e Química, Begoña Raña, participou na I Xornada de Redes de Clubs de Ciencia “A ciencia que nos une”, celebrada na EGAP en Santiago de Compostela, un encontro para compartir experiencias, crear conexións e seguir impulsando a ciencia nos centros educativos galegos a través do traballo en rede.
No curso 2025/2026, a Rede de Clubs de Ciencia conta con 255 centros participantes, máis de 18.400 estudantes implicados e un investimento de 200.000 euros.
Ademais, os coordinadores de CreaGal presentaron novo material e recursos para continuar fortalecendo o traballo colaborativo e a divulgación científica nos centros educativos.
Estas xornadas supoñen unha oportunidade moi valiosa para o profesorado e o alumnado, xa que permiten compartir experiencias, acceder a novos recursos e seguir fomentando a curiosidade, a innovación e o pensamento científico nas aulas.
