Na mañá de hoxe celebrouse na Serra de Outes a primeira xornada do Campionato Escolar Infantil de Bádminton, na categoría Infantil.
Tanto na categoría masculina como na feminina, participou un importante grupo de alumnado de 1º e 2º ESO, que competiu moi ben e acadou uns magníficos resultados. Finalmente, case a totalidade do alumnado participante conseguiu a clasificación para a seguinte fase.
A profesora acompañante, Mercé Barrientos, manifestouse moi satisfeita co traballo que realizaron, pois houbo moitos dos alumnos e alumnas que gañaron os dous partidos que disputaron, e tamén co seu comportamento.
Agora continuaremos xogando ao bádminton no instituto e, ao tempo que o pasamos ben, aproveitaremos para practicar para facelo o mellor posible na próxima fase deste campionato.
Parabéns a todos e a todas.
