O alumnado de 1º de bacharelato asistiu a unha charla impartida por Vicente Feijoo, coordinador da unidade técnica de toponimia sobre aspectos relativos á microtoponimia de Galicia. Este alumnado aprendeu que Galicia é unha rexión moi rica en microtopónimos pero que hai un grave risco de que moitos dos nomes antigos se perdan por factores tales como o descenso do sector primario ou a desaparición de aldeas e da xente maior que as habita.
Para evitar esa perda de riqueza galega, Feijoo explicou que existe unha aplicación chamada “A Galicia nomeada”, que se pode atopar en https://galicianomeada.xunta.gal/sixtop/inicio, onde cada persoa que o desexe pode incluir todos aqueles topónimos que coñeza, podendo incluir audios, fotos, descricións, etc. Esta aplicación tamén funciona desde o teléfono móbil.
