Onte, 6 de outubro de 2026 publicáronse, tanto no Portal Educativo (https://www.edu.xunta.gal/portal/) como na páxina de inicio de PremiosEdu (https://www.edu.xunta.gal/premiosedu/), as listaxes provisionais de alumnado admitido e excluído nos Premios Extraordinarios de Formación Profesional de Grao Superior da Comunidade Autónoma de Galicia correspondentes ao curso 2024-2025.
Informámoslle que, de acordo co estipulado no artigo 10 da Orde do 26 de xuño de 2026 pola que se establecen as bases reguladoras e se convocan os Premios Extraordinarios de Formación Profesional de Grao Superior da Comunidade Autónoma de Galicia correspondentes ao curso 2024/25, (DOG Nº 128 do 10 de xullo de 2026), "As persoas interesadas disporán dun prazo de reclamación de dez (10) días. Durante ese prazo poderán emendar erros e a falta de documentación a través da sede electrónica da Xunta de Galicia (https://sede.xunta.gal), accedendo á Carpeta cidadá da persoa interesada e achegarán, se for o caso, a documentación necesaria".
O prazo de emendas será do 7 de outubro ao 21 de outubro, ambos incluídos.
