Presentación do libro A Galicia moderna (1880-1939)
O Departamento de Xeografía e Historia e a Biblioteca do IES Lucus Augusti organizan a presentación do libro A Galicia moderna (1880-1939). Unha sociedade activa, unha economía innovadora, do historiador Lourenzo Fernández Prieto.
A obra ofrece unha mirada á Galicia de finais do século XIX e comezos do XX, un período de importantes transformacións sociais e económicas, e analiza o proceso de modernización da sociedade galega.
O acto contará coa participación do propio autor e será presentado por María do Mar Pérez Fra e Henrique Hervés Sayar. A data da presentación será o mércores 14 de outubro de 2026 ás 20:00 h, no Salón de Actos do IES Lucus Augusti
A actividade está organizada polo Departamento de Xeografía e Historia e a Biblioteca do IES Lucus Augusti, coa colaboración de HISTAGRA, CISPA e Biblos, así como de Bibliotecas Escolares de Galicia e PLAMBE.
