Economía Pendente

Estacional. Afecta só aos traballadores de actividades produtivas temporais como por exemplo determinadas actividades agrarias e turísticas.
Cíclico. Provócase cando a actividade económica, o ciclo, se reduce. O desemprego aumenta en períodos recesivos e diminúe nos expansivos.
Estrutural. Prodúcese como consecuencia da incapacidade do sistema económico para absorber a man de obra que a propia sociedade xera. Esta situación daría lugar a un exército de reserva (traballadores sen emprego) que mantería deprimidos os salarios e as condicións de traballo.

Ademais podemos falar do desemprego friccional. Trátase do desemprego producido polo feito de que existen persoas que en determinados momentos non queren traballar, ou están nun proceso de busca de emprego. Cando só existe desemprego friccional, a economía está en situación de pleno emprego.