Por resolución das dúas universidades galegas nas que se imparte este Grao (Universidade da Coruña e a Universidade de Vigo) acórdase que para o acceso a estas ensinanzas no próximo curso 2021/2022 non sexa preciso o desenvolvemento das ditas probas de aptitude. Esta circunstancia é extraordinaria.
Como consecuencia desta suspensión o acceso ao grao de Ciencias da Actividade Física e do Deporte será como no resto dos graos: nota de admisión do alumnado solicitante, segundo as normas xerais de acceso á Universidade informadas pola CIUG. Consulta no seguinte enlace a táboa de ponderación das materias a estas ensinanzas (cadro correspondente á modalidade de Ciencias Sociais e Xurídicas, páx 5 do documento)