Intelixencia Artificial

Traballo: crear e avaliar un modelo de recoñecemento de texto

Emprega o programa https://web.learningml.org/ para crear o teu propio modelo de Machine Learning (recoñecemento de textos).

1) O que tes que facer

1. Escolle o mesmo tipo de modelo que o resto da mesa (unha das opcións da lista de abaixo).
2. Adestra ese mesmo modelo en dúas linguas: español e galego.
3. Fai tres versións do adestramento en cada lingua: con 10, 30 e 50 exemplos por clase.
4. Proba o modelo con textos novos (que non estean no adestramento) e toma evidencias (capturas).
5. Cando rematedes, debatide e participade no foro.

2) Modelos dispoñibles (cada grupo escolle un)

Escollede un destes modelos e mantédeo igual nas probas (cambian só a lingua e o número de exemplos).

1. Positivo Me ha gustado mucho la clase / Negativo Esto es muy aburrido
2. Escolar Mañana hay examen de matemáticas / Persoal Quedamos esta tarde para jugar
3. A favor Estoy de acuerdo con la norma / En contra No me parece justo
4. Formal Estimado profesor, le escribo para informarle / Informal Profe, no entendí nada
5. Estudos Tengo que estudiar historia / Ocio Me encanta ese videojuego
6. Urxente Necesito esto para hoy mismo / Non urxente Cuando puedas lo miras
7. Queixa La clase fue demasiado larga / Suxestión Podríamos hacer más actividades
8. Claro El examen es el viernes / Confuso Bueno, lo del examen ya veremos
9. Respectuoso No estoy de acuerdo, pero lo respeto / Irrespectuoso Eso es una tontería
10. Información La Tierra gira alrededor del Sol / Opinión Creo que esta asignatura es difícil

3) O que tes que entregar

1. Ficheiro .json coas sesións/datos de adestramento (exportación do teu modelo).
2. Documento de traballo (PDF) que inclúa:
   1. 3 capturas de pantalla con 3 probas diferentes (textos novos, non usados no adestramento).
   2. Unha pequena descrición do que fixestes (modelo elixido, lingua e número de exemplos en cada proba).
   3. As respostas acordadas en grupo ás seguintes preguntas (ver punto 4).
3. Participación no foro (unha mensaxe mínima explicando que aprendeches que conclusión sacaches).

4) Preguntas para o debate e o documento

1. Que diferenzas notas no modelo cando o adestras en español e en galego?
2. A partir de cantos exemplos (10, 30 ou 50) ves unha mellora clara no funcionamento do modelo?
3. Que tipo de frases fan que o modelo falle máis e por que cres que ocorre?
4. É máis importante a cantidade de exemplos ou a calidade deles para que o modelo funcione ben?
5. Despois destas probas, confiarías neste modelo para usalo nunha situación real? Por que?