Intelixencia Artificial

2. Pasos para a investigación

a) Explorar a ferramenta e probar o seu funcionamento

Este apartado farase individualmente por cada membro do grupo.

Deberás entregar un documento propio que amose o traballo realizado por ti. No documento deben aparecer:

• Capturas de pantalla ou copia dos textos xerados.
• Prompts empregados e/ou opcións exploradas.
• Todo recollido nun documento (LibreOffice, Google Docs…).

Que facer

• Crear unha conta gratuíta se o require.
• Investigar quen a creou, cando saíu e para que foi deseñada.
• Identificar o tipo de asistente:
  • De diálogo / xeración de texto (p.e., ChatGPT, Claude, Perplexity…).
  • De organización / estudo / transcrición (p.e., NotebookLM, Notion AI, Otter.ai, Quizlet…).

Se é un asistente de diálogo (tipo ChatGPT)

Debes facer polo menos tres probas de prompts:

1. Un prompt que funcione moi ben (resposta clara e útil).
2. Un prompt creativo ou curioso (resposta sorprendente).
3. Un prompt que funcione mal (resposta incompleta ou confusa).

Se é un asistente de organización/estudo

Debes comprobar que cousas pode facer na práctica, por exemplo:

• Subir un documento e ver que tipo de resumo ou análise ofrece (NotebookLM, ChatPDF).
• Crear un esquema de estudo a partir dunha lista de temas (Notion AI).
• Transcribir unha explicación ou gravación e convertela en notas (Otter.ai).
• Xerar tarxetas ou cuestionarios para repaso (Quizlet AI).
• Mostrar relacións entre artigos ou ideas (Research Rabbit).

Garda polo menos tres exemplos reais de uso, indicando que función probaches e que resultado deu.

3. Guión da presentación oral

Importante: Antes de pasar a este punto, comparte coa profesora o documento anterior para verificar que xa tes todo o necesario para comezar a preparar o guión.

1. Introdución
   • Nome do asistente de IA.
   • Empresa creadora e ano de saída.
2. Que fai esta IA?
   • Funcións principais.
   • Que a diferencia doutras.
3. Experimento práctico
   • Amosar os tres exemplos gardados (resposta boa, resposta débil ou erro, resposta curiosa/interesante).
   • Explicar que se fixo e por que funcionou ou non funcionou.
4. Uso práctico para estudar
   • Un exemplo concreto de como pode axudar nunha materia.
5. Vantaxes
   • Aspectos positivos para estudantes.
6. Limitacións e riscos
   • Que non fai ben.
   • Precaucións (plaxio, información incorrecta, privacidade).
7. Opinión persoal e conclusión
   • O que máis che gustou ou chamou a atención.
   • Se o recomendarías a outros estudantes.
   • En que materias o ves máis útil.

4. Produto final

Entrega individual

• Documento de traballo con explicación da ferramenta, os prompts ou funcións probadas, capturas de pantalla e comentarios.

Entrega por grupo

• Presentación de diapositivas (LibreOffice, Canva, Google Slides…) cos puntos principais.
• Exposición oral de arredor de 5 minutos diante da clase.