Section outline

  • Con esta unidade didáctica pretendemos aprender que é a flexibilidade ,cales son os seus beneficios e de que factores depende.

    Buscaremos coñecer e practicar distintos xeitos de adestrala para mantela ou mellorala e relacionar os alongamentos que traballemos coa musculatura implicada.  

    • GUÍA DA SESIÓN:

      1. Botalle unha ollada aos contidos que temos nesta unidade didáctica. Poderás ver que hai uns apuntamentos, unha tarefa para entregar e un arquivo no que se sinalan os músculos e os métodos de estiramento a empregar para realizar a tarefa.
      2. Le atentamente a definición de flexibilidades, os seus tipos e logo, no apartado referente aos métodos de adestramento, o método activo dinámico. 
      3. Se non o fixeches aínda, descarga o arquivo que pon "táboa de músculos a estirar". Mírao, algúns dos estiramentos que vexamos logo na parte práctica igual che valen para ir completando a ficha. Aclaración importante: a segunda columna pide que poñas un exemplo de estiramento individual asociado a un músculo. Aínda que poña ESTIRAMENTO ACT.  DINÁMICO -  ACT. ESTÁTICO OU PASIVO ESTÁTICO non é necesario que poñas un exemplo de cada método se non que, simplemente escolle un e pono. O importante aquí é que sexa individual.
      4. Chegados a este punto, quedaranche un 30-35 minutos de clase. Imos a facer a parte práctica. O obxetivo de hoxe é coñecer e practicar distintos tipos de estiramentos activos dinámicos. Este tipo de estiramentos son os que xa fixemos moitas veces no quecemento en clase. Pero como o noso obxectivo estos días con eles non vai ser quentar se non que vai ser ganar flexibilidade van requerir dun bo quecemento xa que se os facemos estando fríos corremos o risco de lesionarnos. Amais do quecemento inicial tamén faremos uns exercicios de activación cardiovascular para asegurarnos que a musculatura estea quente antes de comezar cos estiramentos dinámicos. A sesión práctica sería a seguinte:
        • Fai un quecemento duns 5 minutos como xa sabes.
        • Parte principal:
          • Traballo de activación cardiovascular: Faremos un circuíto coa mesma estrutura ca doutro día:30" de traballo 15" de descanso e 45" de recuperación entre circuítos. Facemos o circuíto 2 veces: 
            • Saltos laterais: coloca unha camiseta estirada no chan e da saltos a un lado e a outro.
            • Burpees: vamos a modificalos para facilitar a súa realización, para iso non imos a facer a flexión.
            • Estocadas
            • Jumping Jack
          • Práctica de estiramentos dinámicos: 
        • Volta a calma: No tempo que che quede para finalizar os 50 minutos de clase podes ir buscando información para facer a TAREFA 1 ou se o prefires estirar algunha zona (sen facer rebotes nin lanzamentos) que notes algo cargada.
    • Apuntamentos de Flexibilidade Ficheiro

    • TAREFA 1: RELACIONAMOS MÚSCULOS CON DISTINTOS TIPOS DE ALONGAMENTOS.

      Con esta tarefa queremos aprender distintos xeitos de estirar a nosa musculatura sendo conscientes de que músculos estamos a estirar.

      Descarga a ficha da actividade e vaina completando. Tes que asociar unha imaxe a cada tipo de estiramento e músculo. A imaxe que poñas pode ser algunha que atoparas por internet ou imaxes de ti mesmo facendo os estiramento.

      O formato do traballo tamén é "libre" e dicir, non tedes que entregalos na taboa que eu vos pasei. Podedes facelo como consideredes, sempre e cando apareza a imaxe do alongamento asociada ao músculo e ao tipo de estiramento. A orde dos músculos ten que ser a mesma que aparece na táboa que vos mando para facilitar a corrección.

      Unha vez os teñas todos, e consideres que están ben feitos, compárteos comigo por DRIVE para que o poda avaliar.

      Para nomear o arquivo escribe o teu nome e o primeiro apelido e curso seguido de traballo flexibilidade. Por exemplo: aitortilla3Btraballoflexibilidade.

      O meu enderezo  para calquera consulta e para compartir a tarefa é erey0@iescotarelo.net

      DATA LÍMITE DE ENTREGA VENRES 22 DE MAIO ÁS 23:55.

      Non forcedes a entrega até o último día, non vaia ser que despois teñades algún problema e no podades entregala.

    • TÁBOA DE MÚSCULOS A ESTIRAR Ficheiro