MÚSICA NA GRECIA ANTIGA

A palabra música vén das Musas, fillas de Zeus e deusas dos esforzos creativos e intelectuais. A función da música na sociedade grega antiga estaba conectada na súa Mitoloxía (Hermes, Orfeo, Pan ...).   É común escoitar o termo Música das Esferas ou harmonía das esferas (musica universalis): é un concepto filosófico antigo (Pitágoras e a súa escola), que se refire ás proporcións nos movementos dos corpos celestes (Sol, da Lúa e os planetas ) como unha forma de música.   Esta 'música' xeralmente non está pensada para ser literalmente audible, é máis ben un concepto harmónico e/ou matemático e/ou relixioso. A idea continuou na cabeza dos pensadores ata finais do Renacemento, influíndo en estudosos coma os humanistas. A música na Grecia Antiga estaba totalmente presente na sociedade, dende vodas e funerais, cerimonias relixiosas, teatro, poesía épica... Xogou así un papel fundamental na vida dos gregos antigos. Hai fragmentos significativos de notación musical grega real, así como moitas referencias literarias (filósofos como Pitágoras, Platón e Aristóteles) sobre como soaba a música, o papel xeral da música na sociedade, a economía da música, a importancia dunha casta profesional de músicos, etc. Un dos primeiros fragmentos que se conserva de esta música é o Epitafio de Seikilos.