Tarefa 9. Debuxar programando. BlocksCAD. 1 sesión. 50 ptos. REABERTO ATA O 09/06/2023.

Pódese debuxar sen debuxar? Como se debuxa escribindo ou programando?

Nesta ocasión imos empregar unha aplicación web chamada BlocksCAD na que podedes construír figuras sen estar rexistrado, aínda que é recomendable porque así iravos gardando o que fagades a proba de imprevistos.

Logo dunhas pequenas indicacións sobre o funcionamento do programa seguimos esta PRESENTACIÓN para deseñar o noso "Trofeo ao mellor albanel", a peza a debuxar é un ladrillo cun burato esférico cunha das súas aristas empotrada nun toro a xeito de peana. O Nome do Proxecto será NomeApelido_BlocksCAD.

Antes de rematar a sesión fai unha captura de pantalla e gárdaa na túa carpeta persoal de Drive.

Emprega un conversor online para pasar esa imaxe en formato .png ou .jpg a pdf e gárdao tamén na túa carpeta persoal de Drive.

Entrega nesta tarefa o pdf da túa captura.

Criterios de cualificación (Máx. 50 ptos, se non hai entrega a cualificación será de 0):

• Nome do arquivo segundo indicacións (10 puntos).
• Trofeo, ata 40 puntos:
  • Trofeo principiante (ladrillo sobre peana tórica) 10 ptunos.
  • Trofeo profesional (ladrillo con burato esférico sobre peana tórica) 20 puntos.
  • Trofeo mestre (ladrillo con burato esférico sobre peana tórica co nome do autor apoiado no chan). 40 puntos.

A tarefa péchase ás 23:59 do 30 de decembro día sinalado no título non permitíndose entregas/cualificacións posteriores. No caso de reaperturas en sucesivas avaliacións cada unha implicará un desconto de 10 puntos sobre o obtido.

REABERTO ATA O 09/06/2023 con desconto do 20%