Actividade 1. Proxecto de investigación. Parellas. 100 puntos. REABERTO ATA O 09/06/2023.

Crea o teu primeiro equipo buscando unha parella (no caso de grupos impares facilitar a opción de tríos ou traballo individual [no caso de nova incorporación faría equipo coa persoa que traballase soa ou desfaría un trío segundo acordo ou ao chou).

Escollede un tema de investigación:

1. Tipos de fibras téxtiles.
2. Tipos de tecido, estrutura.
3. Tecidos non tecidos.
4. Unións de tecidos.
5. Historia téxtil.
6. Historia do proceso de tecido artesanal.
7. Contaminación da industria téxtil. Enlace 1. 
8. Tecidos técnicos.
9. Tecidos intelixentes.
10. Arquitectura téxtil.
11. Costura. Tipos de puntadas a man.
12. Costura. Tipos de puntadas a máquina.
13. Reciclaxe téxtil.
14. Coidados dos tecidos. Etiquetas, simboloxía.

Creade unha carpeta de equipo, Tema_Nome_Nome, dentro das vosas carpetas compartidas co profesor/a. Lembrade que un a crea e o outro a busca en "Compartido conmigo" para mover o acceso directo dentro da súa carpeta persoal. A partir de aquí o que un de vós metades nesa carpeta apareceralle automaticamente ao compañeiro/a. Probade creando unha presentación de nome: Tema_Nome_Nome.

Investigade sobre o voso tema e ide inserindo imaxes, unha por diapositiva, na vosa presentación. Lembrade poñer debaixo de cada imaxe a url da web onde a obtivéchedes.

No apartado "Notas", embaixo de cada diapositiva, iredes escribindo o texto relacionado coa imaxe e que servirá de guión para o voso Scratch interactivo.

Procurade traballar cada un dende a vosa conta Google, cada un no seu ordenador, para que quede reflectido no historial as achegas de cada un de vós. Lembrade que estes recursos permiten o traballo simultáneo de varios editores.

Entrega da tarefa:

Envía a ligazón á presentación así como o pdf da mesma.

• Para obter o pdf da presentación ide a Arquivo - Exportar como pdf, dádelle o nome axeitado, o mesmo que o da presentación, e gardádeo nunha carpeta co nome do proxecto no voso equipo. Unha vez o teñas gardado no teu ordenador xa podes arrastralo ao espazo adicado a arquivos adicionais da entrega da tarefa, ou empregar a icona Agregar do mesmo espazo.
• No cadro de texto envía o seguinte:
  • A url longa á nosa presentación é: ..............  e a mesma expresada de xeito acortado sería: ............................

Criterios de Cualificación:

• Pdf da presentación co nome axeitado. 20 puntos.
• Texto segundo indicacións coas url ligadas, que abran en lapela nova e teñan por título de accesibilidade: Ligazón á presentación. Abre en lapela nova. 20 puntos.
• Presentación cun mínimo de 5 imaxes para escenarios. 10 puntos.
• Presentación cun mínimo de 10 imaxes para obxectos. 20 puntos.
• Presentación coas url baixo cada imaxe. 10 puntos.
• Presentación coas Notas en cada unha das diapositivas. 10 puntos.
• Participación equivalente segundo o historial. 10 puntos.

REABERTO ATA O 09/06/2023 con desconto do 20%