O emprego do teléfono móbil

 O uso do smartphone está tan estendido que, para moitas persoas, chegouse a converter nun complemento imprescindible no día a día. 

Non é estraño que nenos e nenas de entre 10 e 11 anos soliciten insistentemente ter o seu propio teléfono móbil, polo que a pregunta: 

cal é a idade ideal para comprar o primeiro smartphone?

Adoita ser unha cuestión recorrente entre pais ou titores de menores. 

Pero a resposta a esta pregunta non é tanto unha idade concreta, senón máis ben saber valorar cal é o momento adecuado. 

Para iso, neste artigo do Instituto Nacional de Ciberseguridade de España (INCIBE), proponse tomar a decisión valorando: 

  • As necesidades que motivan esa petición: son reais?, canta relevancia teñen?, que impacto ten no menor, ou no seu círculo social, a non dispoñibilidade dun móbil? 
  • A madurez e responsabilidade do menor máis aló da súa idade. 

Para axudar aos pais, nais ou titores nesta cuestión, INCIBE, a través de IS4K, pon á súa disposición unha serie de pactos ou contratos familiares, como o Contrato familiar para o bo uso do móbil, un recurso moi eficaz que permitirá realizar en familia unha mellor xestión deste asunto. 

Outro aspecto importante é saber como configurar o primeiro móbil. Para iso, imos ver este recurso en formato vídeo: 


No caso de que o primeiro smartphone sexa un teléfono móbil herdado, a configuración e personalización do mesmo é outro aspecto importante que imos aprender a realizar paso a paso a través deste artigo de IS4K: "O meu primeiro teléfono herdado".

 Antes de finalizar este apartado, non podemos esquecer lembrar as normas de uso do móbil no centro educativo .

Uso mobil

 PARA SABER MÁIS: 

Última modificación: luns, 3 de xuño de 2024, 9:31 PM