Queridas e queridos:
Como estades fartos de oírme, estamos nun tempo no que é VITAL distinguirnos da INTELIXENCIA ARTIFICIAL. As únicas áreas nas que podemos gañar son a EMPATÍA (poñernos emocionalmente no lugar doutra persoa); o PENSAMENTO DIVERXENTE (desobedecer unha instrución porque nos fixemos preguntas que suxiren mellores estratexias); o PENSAMENTO CRÍTICO (cuestionarnos a veracidade do que nos din) e a COOPERACIÓN (desde a ética).
Sabedes como se cultivan eses talentos??? LENDO.
Como docentes do ENSINO PÚBLICO, é a nosa obriga traballar esas áreas. Por isto temos tanto compromiso coa hora de ler (Plan PLEA, obligatorio en todos os centros de Galicia), que vai desenvolverse así na miña materia:
- Preferiblemente, traeredes banda deseñada. A ser posible, da biblioteca STEAM. Aínda que vos pareza incrible, ler ficción desenvolve áreas do cerebro que non se usan a miúdo. E ler con textos e gráficos proporciónavos ferramentas que non vos aporta unha novela.
- En caso de non traerdes nada, terei noticias (relacionadas coas novas tecnoloxías, a xestión de enerxía, a robótica, a arquitectura e o urbanismo).
- De todo o que leades iredes facendo crítica no PORTFOLIO.
- O portfolio suma UN PUNTO na avaliación. Olliño, que un 4.4 é un 4 e todo conta...