A NUTRICIÓN DAS PLANTAS
Conditions d'achèvement
Vous avez jusqu'ici reçu 0 sur un maximum de 1 point(s).
TOMANDO ALIMENTO DO AIRE. A FOTOSÍNTESE
As plantas toman CO2 do aire e mediante o proceso da fotosíntese crean materia orgánica.
A fotosíntese é como un xogo de construción, a planta toma pezas pequenas e con elas constrúe pezas máis grandes.
Estas pezas máis grandes xa son materia orgánica, e van servir para facer unha gran variedade de novas pezas, con distintas formas, tamaños e utilidades.
O papel da luz do sol
Nun xogo de construción necesitas enerxía para xuntar unhas pezas con outras. O mesmo ocorre coa fotosíntese.
Nese caso a planta toma a enerxía do sol. Así que as follas das plantas son pequenas placas solares. De feito a enerxía solar queda almacenada na materia orgánica. Cando queimamos a materia orgánica (por exemplo nunha cheminea) ¡estamos recuperando a enerxía do sol! ¿Sabías iso?
A fotosíntese realízase principalmente nas follas, aínda que tamén se da nas outras partes das plantas.
Por iso para a alimentación da planta é moi importante unha correcta exposición á luz solar e é un dos principais factores a ter en conta cando se escolle a localización da horta.
Máis adiante falaremos deste aspecto.