O 11 de xuño tivemos o pracer de recibir a visita de Baldomero Iglesias Dobarrio, quen nos acompañou nunha xornada moi especial arredor da tradición oral e musical galega.
Durante o encontro presentou o seu libro Catálogo do cantar de cego galego: Voandeiras, unha obra de grande valor para o coñecemento, estudo e conservación desta manifestación cultural tan característica da nosa tradición. A través da súa intervención, as persoas asistentes puideron achegarse á historia dos cantares de cego, á súa función social e á riqueza do patrimonio que representan.
A presentación estivo acompañada de animados momentos musicais no que soaron instrumentos tradicionais galegos como a gaita e as pandeiretas, creando unha atmosfera festiva e participativa que permitiu vivir de primeira man a esencia desta parte do noso legado cultural.
Agradecemos a Baldomero Iglesias a súa visita e a súa xenerosidade ao compartir connosco os seus coñecementos e experiencias. Actividades como esta contribúen a manter viva a nosa memoria colectiva e a fomentar o interese pola cultura e a música tradicional galega entre as novas xeracións.
Moitas grazas a todas as persoas que participaron nesta xornada tan enriquecedora.
