No noso centro celebramos o Día do Libro cunha xornada chea de creatividade, emocións e amor pola lectura. Ao longo do día, o alumnado participou en diferentes actividades pensadas para achegar os libros dun xeito lúdico e significativo.
Unha das propostas máis especiais foi a creación de rosas mediante papiroflexia, un símbolo que une literatura e beleza, inspirado na tradición de agasallar libros e flores. Ademais, construímos entre todos e todas o “Mural dos libros da nosa vida”, un espazo compartido onde cada persoa puido recomendar aquelas lecturas que deixaron pegada no seu camiño.
Con estas iniciativas, quixemos lembrar que os libros non só contan historias, senón que tamén nos axudan a medrar, a soñar e a entender mellor o mundo que nos rodea.
