A BIBLIOTECA DA EOI: UN ESPAZO PARA DESCUBRIR, LER E COMPARTIR

A biblioteca da EOI é moito máis ca un lugar onde coller libros: é un espazo para aprender idiomas, descubrir novas culturas, traballar en equipo e atopar inspiración.

Contamos cunha localización ampla e luminosa, deseñada para que poidades gozar da lectura e do estudo nun ambiente cómodo e acolledor.

Na biblioteca atoparedes:

• Libros de lectura graduada e literatura en diferentes linguas.
• Unha coidada selección de libros de non ficción.
• Un espazo aberto, con máis luz natural e zonas de lectura cómodas.
• Mesas redondas para traballar en grupo e compartir ideas.
• Mesas móbiles con rodas que permiten adaptar o espazo ás necesidades de cada actividade.
• Un monitor interactivo de 85" para presentacións, obradoiros e actividades.
• E, o mellor de todo, os libros non están baixo chave. A biblioteca é un lugar vivo, aberto e ao voso alcance.

O noso fondo bibliográfico

A biblioteca mantén unha ampla colección de materiais en:

• alemán
• francés
• galego
• inglés
• italiano
• español para estranxeiros

Ademais, podedes descubrir seccións especiais dedicadas a:

• Autores e autoras da contorna
• Banda deseñada
• Gastronomía e viño
• Arte e fotografía
• Moda e calzado
• Espazo lila e igualdade

Sempre hai algo novo que explorar.

Servizos da biblioteca

Préstamo e lectura en sala

Podedes levar ata 3 libros ou DVDs durante 15 días.

Desiderata

Botades en falta algún material? Facédenos chegar as vosas suxestións para seguir mellorando a colección.

Catálogo en liña

Consultade os fondos da biblioteca desde calquera lugar e atopade facilmente o que buscades.

Actividades e recomendacións

Seguídenos en Instagram ou Facebook para descubrir novidades, propostas de lectura e actividades culturais.

Atrévete a entrar

Se buscas unha novela para practicar idiomas, un lugar tranquilo para estudar ou simplemente un recuncho onde deixar voar a curiosidade, a biblioteca da EOI está agardando por ti.