Queres saber algo máis sobre esta mobilidade?

Boa noite,

Hoxe rematamos as clases, volvemos con bastantes coñecementos novos que intentaremos transmitir.

Coincidindo con que hoxe, 13 de febreiro, é o Día da radio, aproveitamos tamén para comentarvos que gravamos entrevistas a compañeiros e compañeiras do curso, que proximamente difundiremos nun podcast na radio da escola. Non volo perdades, que contarán detalles sobre o ensino de linguas nos seus países, os programas Erasmus+ dos seus centros e o que aprenderon no curso. 

Un saúdo desde Florencia😉

Alma López e Pino Alonso

Boa noite,

Estes días aprendemos moito de intelixencia artificial e tamén da cidade de Florencia: anímaste a probar ti os teus coñecementos sobre esta cidade italiana a través dun quiz que creamos coa axuda da IA Gemini?

Accede a través desta ligazón: https://gemini.google.com/share/86c14fad5e13

Coméntanos a túa puntación nunha resposta a esta entrada do foro!

Un saúdo desde Florencia😉

Alma López e Pino Alonso

Boa noite, 

Hoxe, na terceira sesión do curso "There Is an AI for That", descubrimos novas funcionalidades de Canva, moi útiles para a creación de materiais educativos. Se tedes interese, á volta podemos contarvos máis.

Un saúdo desde Florencia😉

Alma López e Pino Alonso

Boa noite!

Hoxe tratamos varios temas na segunda sesión do curso, pero queremos salientar un deles: IA e sostibilidade. Deixamos aquí unha ligazón a un artigo moi interesante:

https://sustainability-news.net/climate-nature/chatgpts-monthly-carbon-footprint-equivalent-to-260-transatlantic-flights/

Que pensades do tema? Animádevos a ler o artigo e deixar calquera reflexión ou comentario como resposta a esta entrada no foro.

Un saúdo desde Florencia😉

Alma López e Pino Alonso

Boa tarde!

Entre os días 9 e 13 de febreiro estamos participando nunha mobilidade de formación en Europass Teacher Academy Florencia, encadrada no proxecto KA121 da Acreditación Erasmus+ 2025-2027 da EOI de Lugo. O curso trata sobre as aplicacións da intelixencia artificial na educación.

Hoxe, durante a primeira sesión, compartimos experiencias con profesorado de Portugal, Bélxica, Romanía e Polonia. Podedes ver na presentación que tedes enriba un resumo do que estamos a facer cada día. Se tedes calquera consulta ou suxestión, contactade connosco a través deste foro.

Un saúdo desde Florencia😉

Alma López e Pino Alonso