Benvidos ao noso cole!
A EEI.Ventosela é unha escola unitaria na que convivimos nenas e nenos de 3, 4 e 5 anos, compartindo espazos, tempos e aprendizaxes nun ambiente familiar e acolledor. Aquí, os maiores aprendemos dos pequenos e os pequenos dos maiores, favorecendo unha convivencia baseada na cooperación, o respecto e a axuda mutua. A nosa aprendizaxe parte da natureza que nos rodea e das xentes coas que convivimos, aproveitando o contorno como un recurso educativo fundamental. Valorizamos as experiencias reais, o xogo, a curiosidade e a exploración como motores do coñecemento, construíndo día a día unha escola viva, aberta e conectada coa comunidade.
Bicos de vento de todas e todos os ventoliños e ventoliñas.
