Educación Plástica Visual e Audiovisual

Nesta materia poderemos desenvolver a nosa capacidade expresiva, seguir adquirindo pautas e ferramentas que nos permitirán explorar e poñer en valor a nosa creatividade, á vez que afondaremos no coñecemento e apreciación do patrimonio artístico e cultural. Esta é unha materia idónea para desenvolver as fases do proceso creativo de xeito práctico, ademais de fomentar o traballo colaborativo, o posicionamento crítico, o debate e a autoavaliación.

Estades preparadxs?

A educación artística é unha actividade imprescindible no desenvolvemento das persoas. A experimentación coas artes plásticas, visuais e audiovisuais fomenta a exploración e coñecementos propios e promove a imaxinación así como a capacidade para crear respostas múltiples, en linguaxes propios, a diferentes necesidades.

Así mesmo a actividade artística implica un grao alto de interacción co grupo onde o traballo propio e alleo, individual e en grupo, serven para fomentar o debate e aprender a aprender.

Dito isto, benvidas e benvidos á materia!