Ola a todas/os!
Agardo que esteades ben. Xa tedes as tarefas desta semana colgadas na aula virtual.
Esta semana propóñovos o seguinte:
- Unha tarefa que consiste en elaborar un refuxio para insectos, dirixida a aquel alumnado que dispoña dos medios para facelo.
- Unha tarefa sobre metamorfose de insectos, dirixida a aquel alumnado que non dispoña dos medios para construír o refuxio.
- Un visu de mamíferos carnívoros
IMPORTANTE: estas actividades entregaranse a través das TAREFAS da aula virtual e non do correo electrónico.
A entrega da actividade da semana pasada sobre Félix Rodríguez de la Fuente segue aberta para que ma poidades enviar aqueles alumnos/as que aínda non o fixestes. Os boletíns das primeiras semanas e a actividade de #Naturezanacasa si podedes enviarmos ao meu correo electrónico.
En canto cheguen novas instrucións da Consellería de Educación informareivos con máis detalle de como se vai desenvolver a fin deste curso, mentres tanto transládovos o que se contempla neste momento. A nota final será a media das dúas avaliacións anteriores e o traballo realizado durante o terceiro trimestre poderá subir a nota final.
Unha aperta enome, coidádevos moito.