Transformamos unha cafetería nun negocio sostible

Descrición da tarefa

Deberás elaborar en grupo un plan básico de sustentabilidade para unha cafetería ficticia. Para iso, analizarás o consumo de recursos, a xestión de residuos e o impacto ambiental das actividades propias dun establecemento hostaleiro, co obxectivo de propoñer medidas sinxelas e realistas que melloren o seu funcionamento sostible.

Criterios de avaliación

• CA6.2 – Analizáronse os aspectos ASG materiais, as expectativas dos grupos de interese e a importancia dos aspectos ASG en relación cos obxectivos empresariais.

• CA6.3 – Definíronse accións encamiñadas a minimizar os impactos negativos e aproveitar as oportunidades que presentan os principais aspectos ASG identificados.

• CA6.4 – Determináronse as métricas de avaliación do desempeño da empresa de acordo cos estándares de sustentabilidade máis amplamente utilizados.

• CA6.5 – Elaborouse un informe de sustentabilidade co plan e os indicadores propostos.