Tap1_UD2. Programando as chamadas saíntes en axenda e adaptando a linguaxe á persoa usuaria.

Le o apartado 4 da Unidade. A continuación trata de organizar os seguintes casos en función da prioridade de acordo cos criterios estudados e indica a orde de chamada que establecerías así como o tipo de chamada saínte.

Antonia é unha usuaria á que hai que chamar con certa frecuencia porque é unha persoa que non gosta de sentirse soa e necesita da nosa compañía.
Ramón acaba de perder á súa muller hai poucos meses e necesita de moito apoio persoal. Xa tentou suicidarse varias veces.
Luisa ten unha cita de médico mañá ás 10:00 da mañá e necesitamos lembrarlla.
Esteban é unha persoa que está a tomar unha medicación para a diabetes e que non pode deixar de tomala, xa se esqueceu varias veces polo que debemos lembrarllo constantemente todos os días.
Aparece unha alarma en pantalla por posible inundación na casa de Manuel, un dos nosos usuarios.
Simón non ten problemas significativos, pero levamos tempo sen falar con el e deberiamos realizar unha chamada para conversar con el e ver que todo segue transcorrendo con normalidade.
Pepe leva tempo sen aparecer polo seu domicilio e cónstanos que non leva o dispositivo inalámbrico con el, polo que deberiamos chamar á familia para comprobar que todo está ben e que eles están ao corrente do que sucede.

Despois selecciona un deles, o que máis che guste, e establece un protocolo a seguir no establecemento dun contacto telefónico con dita persoa (chamada saínte do servizo) marcando os pasos a seguir e o procedemento (apóiate no Diagrama de chamadas). Podes axudarte do apartado 5.2, 5.3 e 5.4 se preferides representar a situación a través dun roleplaying.

Faino todo nunha única entrada.

Criterios de avaliación que se traballan:

CA2.8. Argumentouse a valoración do uso dunha linguaxe apropiada á persoa que recibe a chamada saínte.
CA2.3 Programáronse as chamadas en función do número, o tipo e a prioridade establecida no protocolo

Aínda non hai temas de debate neste foro