Indicadores de avaliación

Os indicadores de avaliación permiten comprobar se os obxectivos da formación foron acadados. A tal fin, cómpre ter claro cal vai ser o produto final, é dicir, o material que se comprometen a entregar coma evidencia do traballado ao longo do PFPP. A redacción dun indicador de avaliación ten tres partes:

• O produto entregable que servirá de evidencia denomínase característica.
  
• O proceso que describe como ese produto permite acadar o obxectivo denomínase indicador.
• O valor medible que permite comprobar de forma obxectiva se un indicador foi acadado é o criterio de aceptación.
  

Lembre que o obxectivo último é mellorar a aprendizaxe do alumnado. Así pois, defínense dous tipos de indicadores:

• Indicador de avaliación da aplicación na aula
  Permite verificar que o traballo desenvolvido na formación empregouse co alumnado.
  
  Ver exemplo

  Itinerario	Característica	Indicador	Criterio de aceptación	Temporalización
  Proxectos de produción audiovisual	Material didáctico sobre ferramentas de edición	O profesorado participante deseña materiais didácticos para o ensino das ferramentas de edición.	Unha %/todo o profesorado do GT utiliza na aula (nº) o material didáctico deseñado no que se utilizarán ferramentas dixitais de edición.	Final de curso

  
  
• Indicador de avaliación do impacto na aula
  Permite comprobar se o traballo desenvolvido na formación supuxo unha mellora real da aprendizaxe do alumnado.
  
  Ver exemplo

  Itinerario	Característica	Indicador	Criterio de aceptación	Temporalización
  Proxectos de produción audiovisual	Reflexión sobre a avaliación desenvolvida dos proxectos audiovisuais	O profesorado participante aplica instrumentos de avaliación para valorar os proxectos audiovisuais	Unha %/todo o profesorado utiliza (nº) instrumentos de avaliación (rúbricas, listas de cotexo, indicadores, etc…) para medir a mellora dos produtos finais dos proxectos e/ou do proceso de elaboración do mesmo e fai unha reflexión do resultado	Final de curso

Que cómpre facer nesta lapela?