Planificación e guión

O meu obxectivo principal ao introducirnos nisto do audiovisual didáctico ten que ver con que atopedes uns primeiros recursos dos que botar man para empezar a deseñar e elaborar os vosos propios contidos. Gustaríame aproveitar este espazo para que poidades consultarme a elaboración daqueles materiais nos que esteades a pensar. Propóñovos o seguinte.

- Describide brevemente o tipo de audiovisual que queredes facer, se é unha peza unica ou unha serie delas, duración, público ao que vai dirixido e medios á vosa disposición para elaboralo.

- Acompañade, se podedes, a proposta dun guión tipo, valéndovos do modelo en folla de cálculo que vos deixo (pode ser todo o esquemático que consideredes, pero permitirame facerme unha idea máis aproximada do que tedes na cabeza).

- E non vos cortedes de indicar as dificultades que considerades que tedes á hora de levalo á práctica.