P1101042. Uso didáctico de Moodle. Edición Abalar.

En primer lugar hai que acceder a páxina web do noso cfr :

http://www.edu.xunta.gal/centros/cfrpontevedra/

Alí, na parte dereita, buscamos o enlace á aula virtual:



Facendo clic aparece unha nova xanela, ca interface de moodle.

Na parte superior dereita (así como na parte central inferior) podemos atopar a zona de Acceso e identificación. Nesta zona atoparemos un enlace sobre a palabra (Acceso) que nos levará ao formulario de entrada á plataforma. Unha vez que estemos autenticados, nesta zona aparecerá o noso nome cun enlace que nos levará á ficha de información sobre o noso usuario.

Para poder acceder como usuario rexistrado necesitamos que previamente algún Administrador nos teña dados de alta nesta plataforma. En caso contrario só seremos un visitante anónimo.

Na parte central é habitual que apareza un listado cos cursos dispoñibles e un resumo dos mesmos. Esta vista pode variar dunhas plataformas Moodle a outras, xa que é totalmente configurable. O que se describe aquí sería a interface que apacerá por defecto.

Na parte dereita temos unha zona de bloques onde hai un par deles activos: un bloque con información xeral sobre a Aula Virtual que estamos visitando e un Calendario.






Facendo clic en "Acceso" podemos entrar no sistema utilizando o noso login e contrasinal :




Unha vez introducimos o noso nome e contrasinal, xa estamos dentro do sistema, e segundo os permisos teremos habilitadas máis funcionalidades.





Unha vez autenticados, imos a poder realizar unha serie de accións que antes, como usuarios anónimos, non poderíamos. Todas as accións que podamos realizar dependerá do papel ou rol que nos otorgase o Administrador da plataforma.
Estes posibles roles serían os seguintes:

• Administrador: os administradores poden facer de todo en todos os cursos.
• Creador de cursos: os creadores de cursos poden crear novos cursos e ensinar neles.
• Profesor editor: os profesores editores poden facer calquera cousa dentro dun curso (excepto crealo), incluíndo a creación ou modificación de actividades e a clasificación e avaliación dos estudiantes.
• Profesor non editor: os profesores non editores poden impartir un curso, pero non poden modificar os materiais creados nin crear novos materiais, so poden empregar os dispoñibles.
• Estudiante: os estudiantes teñen menos privilexios dentro dun curso: acceder á información e realizar as actividades propostas.
• Invitado: os invitados teñen os mínimos privelexios e non poden introducir texto en ningún lugar.

Para a realización deste curso, os alumnos terán o rol de Creador de cursos. Esto posibilitaraos para a creación tanto do curso como dos recursos que se crearán no mesmo.

Segundo o visto, unha vez que xa estamos autenticados na plataforma de probas para este curso, non só estamos dentro da plataforma senón que, segundo o visto, tamén contamos coa posibilidade de crear novos cursos dentro da mesma. Vexamos como facelo no seguinte apartado.