Elaboración dunha proposta para un curso de aula virtual
Requisitos do completado
?? Antes de nada, prepararnos para o noso proxecto
Pendente: xoves, 25 de novembro de 2021, 10:55 PM
? Descrición
De seguro que tras ler o material e ver os exemplos, na túa cabeza xa xurdiron as primeiras ideas. Queremos que este curso che sexa de utilidade dende o primeiro momento e, por iso, o noso desexo é que traballes dende xa para levar a cabo esas ideas
no teu contexto específico.
?? Antes de nada, prepararnos para o noso proxecto
O primeiro será crear un novo curso dentro da aula virtual do teu centro para que podas fedellar nel. É posible que teñas que solicitar permisos ao Coordinador TIC do teu centro. Para que poidamos avaliar o teu traballo, solicitarémoste proximamente
unha ligazón de acceso e que estea habilitado o acceso coma convidado. Por se non lembras como se fai, eis un vídeo de repaso:
Agora que xa tes onde traballar, cómpre ir completando (aos poucos) o devandito curso.
? E agora, que teño que entregar?
Para demostrar o que aprendiches neste primeiro bloque, imos tentar elaborar a ficha descritiva sobre unha estratexia didáctica enriquecida coas TAC. O obxectivo é contextualizar a estratexia didáctica escollida, centrándose no potencial pedagóxico dos recursos e ferramentas TAC empregadas.
- Elabora unha breve descrición da estratexia (un máximo de 5 liñas).
- Enumera algúns obxectivos a conseguir coa estratexia proposta.
- Escolle algún recurso/ferramenta TAC que se integre na túa estratexia didáctica -clase maxistral, gamificación, aprendizaxe baseada en proxectos...-.
- Indica o nivel de dificultade de uso da ferramenta/recurso TAC en relación co nivel de autonomía que precisaría o alumnado para empregala.
- Sinala en que modalidade de ensino poderías desenvolver esta estratexia co uso dos recursos/ferramentas TAC seleccionados.
- Indica en que tipo de dinámica de traballo podes despregar a túa estratexia -traballo individual do alumnado, interacción entre alumnos/as, equipos cooperativos...-.
- Por último, expón algúns fundamentos pedagóxicos do uso do recurso/ferramenta TAC proposto, procurando que estes indicadores estean relacionados cos contidos e destrezas a desenvolver a través da túa estratexia enriquecida con estes recursos/ferramentas TAC.
Esta
é unha proposta aberta na que unicamente deberás esbozar ou apuntar
brevemente as ideas clave relacionadas coa estratexia didáctica a
traballar con algún recurso/ferramenta TAC, que poderás ampliar,
modificar ou complexizar a medida que vaias avanzando no resto de
bloques. Podes empregar o formato editable que che ofrecemos coma modelo (consulta os adxuntos da tarefa) ou algún outro esquema alternativo que prefiras!
Tamén te deixamos en adxunto un documento de consulta para que agromen as ideas.
✅ Qué se vai avaliar?
Tes os indicadores de logro que imos a empregar como guía de corrección na táboa que acompaña esta tarefa. Emprégaa como parte do proceso de autoavaliación do teu traballo. O peso na cualificación final pódelo consultar no apartado Cualificacións
do curso.
Cualificando Entregas
A continuación amósase unha guía de corrección para a tarefa do primeiro módulo do curso.
Nome do criterio
puntuación
Descrición Inclúe unha breve descrición da estratexia. 1 |
Obxectivos Enumera algúns obxectivos a conseguir coa estratexia proposta. 1 |
Escolma TACs Escolle recursos/ferramentas TAC coherentes coa estratexia didáctica proposta, indica o nivel de dificultade de uso en relación co nivel de autonomía que precisaría o alumnado e a modalidade de ensino que permite desenvolvela. 1 |
Dinámica de traballo Indica en que tipo de dinámica de traballo pode despregar a estratexia. 1 |
Fundamentos pedagóxicos Menciona fundamentos pedagóxicos do uso do recurso/ferramenta TAC proposto, relacionándoos cos contidos e destrezas a desenvolver a través da estratexia escollida. 1 |