Redes sociais

Protección de datos

A lexislación sobre protección de datos en España está recollida no Real Decreto 1720/2007 do 21 de decembro e na Ley Orgánica 15/1999 do 13 de decembro. Nela veñen recollidos os aspectos que deben cumprir os servizos de redes sociais.
O artigo 13 do Real Decreto 1720/2007 fala do consentemento para o tratamento de datos de menores de idade:

1. Poderá procederse ao tratamento dos datos dos maiores de catorce anos co seu consentemento, salvo en aqueles casos nos que a Lei esixa para a súa prestación a asistencia dos titulares da patria potestade ou titela. No caso dos menores de catorce anos requerirase o consentemento dos pais ou titores.

Polo tanto, para menores de 14 anos temos que ter a autorización das familias para utilizar servizos de redes sociais. Esta autorización pode ser específica para unha rede determinada ou xenérica, solicitando o permiso para a utilización de servizos en internet para usos educativos.

Tipos de redes sociais

Podemos atopar tres tipos de redes:

1. Horizontais, onde non é posible o control por parte do profesorado. Cada persoa decide individualmente con quen quere tratar e os permisos de visión da súa identidade. Exemplos de este tipo de rede son Facebook ou Tuenti.
2. Verticais, mediate software específico pode construírse unha rede social temática na que os creadores teñen control sobre as persoas que participan, dando permisos para ver ou modificar os contidos recollidos na rede. Como exemplos están Ning, Social.go, Mixxt...
3. Microblogging, servizos que permiten aos usuarios enviar mensaxes cortos, normanlmente de 140 caracteres. O máis coñecido é Twitter.
   Neste grupo tamén está Edmodo, que permite ao profesorado crear un grupo no que inscribir ao alumnado dun curso. Ademáis de mensaxes á posible compartir arquivos, crear votacións ou asignar tarefas que aparecen nun calendario. Outra posibilidade, aínda que máis limitada é Twiducate.

Páxinas con información sobre redes sociais

• Educativa. Blog de Juan José de Haro, autor do libro Redes sociais para a educación. É unha das persoas que máis está traballando coas redes sociais no ámbito educativo, sempre poñendo os seus coñecementos á disposición de todo o profesorado no seu blog e talleres como o celebrado na rede Internet na aula nos meses de xaneiro e febreiro.
• Redes sociais na aula, de Antonio Garrido, asesor no centro de profesores de Alcázar de San Juan.
  
• Pantallas amigas. Os seus obxectivos son a promoción do uso seguro e saudable das novas tecnoloxías e o fomento da cidadanía dixital responsable na infancia e a adolescencia. Aquí podemos atopar información sobre seguridade nas redes sociais, cibercidadanía, e-dereitos, identidade dixital, ciberconvivencia e xogos na rede. Tamén ten un canal en Youtube con consellos para a navegación segura.
• Seguridad web 2.0. Análise de varias redes sociais desde o punto de vista da protección de datos.
• Actividades para traballar a identidade dixital na aula. Seis actividades, a maioría para secundaria pero algunha tamén se pode facer no 3º ciclo de primaria.