Aulas virtuais na biblioteca

O proxecto Webs dinámicas ofrece aos centros a instalación e mantemento de tres ferramentas:
  • Drupal, un CMS que se soe empregar como web do centro.
  • Moodle, un aula virtual. Ten un conxunto de ferramentas deseñadas para facilitar e dinamizar o ensino a distancia, pero tamén pode empregarse no presencial como almacén de materiais, ferramenta de comunicación e titoría e periodos non lectivos, deseño de actividades personalizadas...
    Nalgunhas bibliotecas están empregandoa para mostrar os traballos realizados polo alumnado nas actividades de dinamización.
  • Coppermine, unha galería de imaxes.
A aula virtual do IES Sánchez Cantón é espectacular, con actividades do clube de lectua (Tinta viva), traballos sobre Edgar Alan Poe, Luís Sepúlveda, Ángel González e Oscar Wilde e a o Roteiro, no que presentan mediante actividades LIM as instalacións e ao persoal do centro todo elo cun deseño moi atractivo.

No IES de Fene están preparando unha base de datos de recursos, que de momento non está dispoñible.
Outros exemplo, xa fora de Galicia, podemos velo no IES Príncipe de Asturias de Lorca, onde hai información dos horarios, o proxento da biblioteca, normas, guías de lectura, enlaces e actividades.

Se queres facer probas con Moodle e non podes no teu centro podes usar o curso http://bibeslugo.mdl.gnomio.com/course/view.php?id=2 (síntoo, está en inglés) co usuario e contrasinal de sempre. Podes mandarme un correo para que cree un curso cos teus datos.