Esta actividade formativa achega ao profesorado ás posibilidades educativas da Realidade Aumentada (RA) como recurso para deseñar experiencias de aprendizaxe máis interactivas e motivadoras. Ao longo das sesións abordaranse os fundamentos desta tecnoloxía, as diferenzas entre Realidade Aumentada e Realidade Virtual e o seu encaixe no currículo e nas metodoloxías activas vinculadas á LOMLOE. O profesorado explorará distintas aplicacións e plataformas que permiten crear experiencias aumentadas, analizar o seu potencial didáctico en diferentes materias e reflexionar sobre aspectos legais, éticos e de protección de datos asociados ao uso destas tecnoloxías.
A formación terá un enfoque práctico, combinando explicacións breves con obradoiros de experimentación con ferramentas de RA, visualización de modelos tridimensionais, creación de escenas interactivas e uso de recursos baseados en marcadores. Ademais, presentaranse exemplos de aplicación educativa e posibilidades de integración en proxectos interdisciplinares, promovendo o uso da Realidade Aumentada como ferramenta para enriquecer os espazos, recursos e materiais de aprendizaxe e favorecer experiencias educativas máis dinámicas e participativas.
Obxectivos
- Achegarse ao deseño de experiencias educativas con Realidade Aumentada.
- Integrar a Realidade Aumentada en proxectos interdisciplinares.
- Experimentar con plataformas que permitan a creación de experiencias interactivas.
Contidos
- Creación de experiencias educativas con Realidade Aumentada.
- Aplicacións interactivas para a aula.
- Deseño de proxectos educativos con Realidade Aumentada.
Competencias
Competencia didáctica - Didácticas específicas e metodoloxías - Intermedio Competencia didáctica - Espazos, recursos e materiais de aprendizaxe - Intermedio Competencia dixital docente - 2. Contidos dixitais - B2 - 2.2.B.2.1.
- Profesor: María de las Mercedes Orbaneja Fernández
- Profesor: Pablo Varela Pardo